"Xalıq penen birge" - insan mápleri jolında ámeliy qádem

⚡️Qaraózek rayon hákimligi, Isbilermenler háreketi - Ózbekstan Liberal-demokratiyalıq partiyası deputatlıq toparı menen birgelikte "Xalıq penen birge" ulıwma milliy baǵdarlaması sheńberindegi náwbettegi kóshpeli qabıllawı bolıp ótti.
Rayonlıq Jaslar orayında shólkemlestirilgen kóshpeli qabıllawda Xalıq deputatları Qaraózek rayonlıq Keńesi 6-M.Balmaǵanbetov saylaw okrugi deputatı, rayon hákimi A. Baymuratov, rayonlıq Keńestegi ÓzLiDeP deputalıq toparı baslıǵı, deputat N.Tleumuratov, juwapker shólkemlerdiń wákilleri qatnasıp, puqaralardıń múrájatların tıńladı hám olardı unamlı sheshiw boyınsha ámeliy ilajlar belgiledi.
Kóshpeli qabıllaw dawamında puqaralardan 22 múrájat kórip shıǵılıp, sonnan 4 múrájat ornında sheshildi hám qosımsha waqıt hám úyreniwdi talap etetuǵın máseleler bolsa rayon hákiminiń, deputatlar hám tiyisli shólkemlerdiń juwapkerleri qatnasıwında qadaǵalawǵa alındı.