O‘rganish davomida hududlardagi ko‘p qavatli uylar atrofi, ichki ko‘chalar, piyodalar yo‘laklari, yashil hududlar, irrigatsiya tarmoqlari, tashqi yoritish tizimi, sanitariya holati hamda aholiga yaratilayotgan shart-sharoitlar ko‘zdan kechirildi.

Shuningdek, mahalla faollari va mas'ullar bilan muloqot o‘tkazilib, hudud infratuzilmasini yanada yaxshilash, obodonlashtirish ishlarini jadallashtirish, mavjud kamchiliklarni bartaraf etish hamda fuqarolar uchun yanada qulay va ozoda muhit yaratish masalalari muhokama qilindi.

O‘rganish yakunida aniqlangan kamchiliklarni bartaraf etish, hududlarda tozalik va tartibni ta'minlash, obodonlashtirish hamda ko‘kalamzorlashtirish ishlarini sifatli tashkil etish yuzasidan tegishli mutasaddilarga zarur tavsiyalar berildi. Mazkur masalalar deputatlik nazoratida olib borilishi belgilandi.

Hududlarni obod qilish, aholi uchun munosib turmush sharoitlarini yaratish va fuqarolar murojaatlariga amaliy yechim topish deputatlik faoliyatining ustuvor yo‘nalishlaridan biridir.

️ Xalq deputatlari Samarqand shahar Kengashi