Xalq deputatlari Qo‘qon shahar Kengashi deputati Yu.To‘ychiyev tomonidan 1-"Temiryo‘l" saylov okrugi hududida joylashgan "Chorchinor" mahalla fuqarolar yig‘inida O‘zbekiston Respublikasi Prezidentining PQ–209-son hamda Oliy Majlis Senatining KQ–35-son qarorlari asosida maxalla raisining faoliyatini o‘rgandi.

Uchrashuv va o‘rganish jarayonida Xalq deputatlari Qo‘qon shahar Kengashi mudiri A.Nosirov va Kengash kotibiyati bosh mutaxassisi A.Adhamovlar ishtirok etib, o‘rganish ishlarini tashkil etishda ko‘maklashdilar.

Xususan, mahallada obodonlashtirish va ko‘kalamzorlashtirish ishlari, ijtimoiy himoyaga muhtoj oilalarni qo‘llab-quvvatlash, aholi bandligini ta’minlash hamda mahallaning ijtimoiy-iqtisodiy rivojlanishiga qaratilgan chora-tadbirlar muhokama etildi.

Shuningdek, "mahalla yettiligi" hamkorligida olib borilayotgan ishlar, fuqarolar bilan ochiq muloqot o‘rnatish, murojaatlarni o‘z vaqtida ko‘rib chiqish va ularning yechimini ta’minlash masalalari yuzasidan fikr almashildi.

O‘rganish yakunida mahalla faoliyati samaradorligini yanada oshirish, aholi bilan ishlash tizimini takomillashtirish, mavjud muammolarni tezkor hal etish hamda hududni kompleks rivojlantirish bo‘yicha tegishli tavsiya va takliflar bildirildi.

Xalq deputatlari Qo‘qon shahar Kengashi