Mamlakatimizda tibbiyotni transformatsiya qilish jarayonida birlamchi bo‘g‘inga alohida e’tibor qaratilayotgani bejiz emas. Zero, birlamchi bo‘g‘in har jihatdan mustahkamlansa, nafaqat kasalliklarni samarali davolash, shu bilan birga, ularning oldini barvaqt olish mumkin bo‘ladi.

Xalq deputatlari Mirzo Ulug‘bek tumani Kengashi deputati, XDP a’zosi Gulchexra Axmedova tumandagi 70-sonli oilaviy poliklinika faoliyati bilan yaqindan tanishdi.

Tanishuv jarayonida poliklinikaning moddiy texnika bazasi, unda xizmat ko‘rsatuvchi shifokor va hamshiralarning ish jarayonlari hamda ixtisoslashtirilgan va ilg‘or uslublar amaliyotga keng tatbiq qilinganligi ko‘rib chiqildi.

O‘tkazilgan o‘rganishlar jarayonida shifokorlar qabuliga kelgan fuqarolar sog‘liqni saqlash tizimidagi raqamlashtirilgan shart-sharoitlar qulay ekanligi hamda shifokorlarning ish sifati va samaradorligi tubdan oshirilganligi xaqida aytib o‘tdilar.