Xalq deputatlari Pastdarg‘om tuman Kengashi deputati N. Dusmurodov biriktirilgan tashkiloti — tuman Favqulodda vaziyatlar bo‘limi bilan hamkorlikda hududdagi ijtimoiy obyektlarda xavfsizlikni ta’minlash bo‘yicha tizimli ishlarni amalga oshirmoqda.

Navbatdagi o‘rganish davomida deputat N. Dusmurodov tuman tibbiyot birlashmasida bo‘lib, bolalar bo‘limidagi mavjud sharoitlar va xavfsizlik talablari holatini ko‘zdan kechirdi.

O‘rganish jarayonida inson hayoti va salomatligiga xavf tug‘dirishi mumkin bo‘lgan ayrim nuqsonlar aniqlanib, tuman Favqulodda vaziyatlar bo‘limi mutaxassislari bilan hamkorlikda ularni bartaraf etish choralari ko‘rildi.

Mazkur hamkorlik ishlari fuqarolar, ayniqsa bolalar uchun xavfsiz muhit yaratish, favqulodda holatlarning oldini olish hamda ijtimoiy obyektlarda xavfsizlik talablariga rioya etilishini ta’minlashga xizmat qilmoqda.