Sessiyada deputatlik so‘rovlari ijrosi, tumanda jinoyatchilik va huquqbuzarliklarning oldini olish, korrupsiyaga qarshi kurashish, xotin-qizlarni qo‘llab-quvvatlash, mahalliy byudjet mablag‘laridan samarali foydalanish, sog‘liqni saqlash tizimida amalga oshirilayotgan ishlar hamda Prezidentimizning PQ–468-son qarori ijrosi yuzasidan masalalar muhokama qilindi.

Shuningdek, tuman hududini obodonlashtirish, qattiq maishiy chiqindilarni olib chiqish xizmatlari bo‘yicha tariflarni tasdiqlash hamda amaldagi ayrim Kengash qarorlariga o‘zgartirishlar kiritish masalalari ham ko‘rib chiqildi.

Sessiya yakunida kun tartibidagi barcha masalalar yuzasidan tegishli qarorlar qabul qilinib, mas'ul tashkilotlarga aniq vazifalar belgilandi.