O‘rganish davomida mahallaning ijtimoiy infratuzilmasi, ichki yo‘llar holati, obodonlashtirish ishlari, kommunal xizmatlar sifati, sanitariya-tozalik hamda aholiga yaratilgan shart-sharoitlar ko‘zdan kechirildi.

Shuningdek, mahalla faollari va fuqarolar bilan bevosita muloqot o‘tkazilib, hududni rivojlantirishga oid takliflar hamda aholini qiynayotgan muammolar tinglandi.

Bildirilgan murojaatlar yuzasidan masalalarni tegishli tashkilotlar bilan hamkorlikda hal etish, zarur hollarda deputatlik so‘rovlari yuborish hamda ularning ijrosini deputatlik nazoratiga olish bo‘yicha tegishli choralar belgilandi.

Deputat tomonidan mahallada olib borilayotgan bunyodkorlik va obodonlashtirish ishlarini izchil davom ettirish, fuqarolar uchun yanada qulay yashash muhitini yaratish hamda mavjud muammolarni bosqichma-bosqich bartaraf etish yuzasidan mas'ullarga tegishli tavsiyalar berildi.

Hududlarni kompleks rivojlantirish, fuqarolar murojaatlariga o‘z vaqtida yechim topish va mahallalarda amalga oshirilayotgan ishlar samaradorligini oshirish deputatlik faoliyatining ustuvor yo‘nalishlaridan biri bo‘lib qolmoqda.