Mazkur topshiriqlar ijrosi doirasida Xalq deputatlari Samarqand shahar Kengashi deputati Fazliddin G‘aybullayev hamda "Lolazor" MFY mas’ullari ko‘magida mahallada istiqomat qiluvchi fuqaro A.Ikromov uchun mahalla markazidagi bo‘sh turgan xonada sartaroshlik faoliyatini yo‘lga qo‘yish uchun zarur amaliy ko‘mak ko‘rsatildi.

Deputatning navbatdagi tashrifi davomida yosh tadbirkorning faoliyati bilan yaqindan tanishilib, yaratilgan sharoitlar, ko‘rsatilayotgan xizmatlar sifati hamda faoliyatni yanada kengaytirish istiqbollari muhokama qilindi.

Muloqot davomida tadbirkor tomonidan bildirilgan taklif va ehtiyojlar tinglanib, faoliyatni rivojlantirish, yangi ish o‘rinlari yaratish hamda davlat tomonidan taqdim etilayotgan imtiyoz va imkoniyatlardan samarali foydalanish yuzasidan tavsiyalar berildi.

Yoshlarning tadbirkorlik tashabbuslarini qo‘llab-quvvatlash, ularning bandligini ta’minlash va munosib daromad manbaini yaratishga ko‘maklashish deputatlik faoliyatining ustuvor yo‘nalishlaridan biri bo‘lib, bu boradagi ishlar izchil davom ettirilmoqda.