Xalq deputatlari Bo‘zatov tumani Kengashi 12-sonli "Aspantay" saylov okrugidan (O‘zLiDeP) saylangan deputat G.Jumanazarova fuqarolarning murojaatlariga asosan "Aspantay" suv yetkazib beruvchi stansiyasida bo‘lib, u yerda olib borilayotgan ishlar hamda ichimlik suvi ta'minoti holati bilan yaqindan tanishdi.
O‘rganish davomida saylovchilar tomonidan yozning issiq kunlarida ichimlik suviga bo‘lgan ehtiyoj keskin ortayotgani, shu sababli stansiyaning ish vaqtini ertalab va kechki soatlarda uzaytirish bo‘yicha taklif va murojaatlar bildirildi.
Mazkur murojaat deputat tomonidan joyida mas'ullarga bog’lanib ko‘rib chiqildi hamda fuqarolarning talab va ehtiyojlaridan kelib chiqib, "Aspantay" suv yetkazib beruvchi stansiyasining ish vaqti ertalabki va kechki soatlarda uzaytirilishi orqali aholini ichimlik suvi bilan ta'minlash masalasi ijobiy hal etildi.
Deputat tomonidan bundan buyon ham fuqarolar murojaatlariga tezkor munosabat bildirish, hududdagi mavjud muammolarni joyiga chiqib o‘rganish va ularni amaliy hal etish ishlari izchil davom ettirilishi ta'kidlandi.