АҲОЛИ МУРОЖААТЛАРИ — ЭЪТИБОР МАРКАЗИДА
Туман ҳокими, Халқ депутатлари Янгиқўрғон тумани Кенгаши депутати Нажмиддинов Асадулла Икромович ўзи сайланган сайлов округида жойлашган маҳаллада бўлиб, аҳоли вакиллари билан учрашди.
Учрашув давомида фуқаролар томонидан билдирилган мурожаат ва таклифлар жойида ўрганилди. Хусусан, ҳудудда ҳаракат хавфсизлигини таъминлаш мақсадида светофор ўрнатиш, маиший чиқиндиларни ўз вақтида олиб чиқиб кетиш тизимини яхшилаш ҳамда ички йўлларни асфальтлаш масалалари кўтарилди.
Ҳар бир мурожаат юзасидан масъул ташкилотлар раҳбарлари ва мутасаддиларга тегишли топшириқлар берилди. Кўтарилган масалаларни атрофлича ўрганиш, уларни босқичма-босқич ҳал этиш ҳамда ижросини назоратга олиш бўйича аниқ чора-тадбирлар белгилаб олинди.
Аҳоли билан очиқ мулоқот қилиш, уларнинг муаммоларини жойида ўрганиш ва ижобий ҳал этиш ишлари изчил давом эттирилади.