Xalq deputatlari Shovot tumani Kengashi kotibiyati mudiri Izzat Masharipov hamda tuman Kengashi deputati Faxriddin Navro‘zov tomonidan 20-Mahtumquli saylov okrugi hududida huquqbuzarlik va jinoyatchilikning oldini olish, jamoat tartibini saqlash hamda aholi murojaatlari bilan ishlash holati o‘rganildi.
Monitoring davomida O‘zbekiston Respublikasining 2016-yil 16-sentabrdagi “Ichki ishlar organlari to‘g‘risida”gi O‘RQ-407-son Qonuni talablari ijrosi, profilaktika inspektorlarining faoliyati, jamoat xavfsizligini ta’minlash borasida amalga oshirilayotgan ishlar hamda fuqarolarning murojaatlari bilan ishlash tizimi tahlil qilindi.
Shuningdek, hududda huquqbuzarliklarning oldini olish, jinoyatchilikka qarshi kurashish samaradorligini yanada oshirish, aholi bilan ochiq muloqotni kuchaytirish va mavjud muammolarni o‘z vaqtida bartaraf etish yuzasidan mas’ullarga tegishli tavsiya va takliflar bildirildi.
Xalq deputatlari mahalliy Kengashi tomonidan qonunlar ijrosi ustidan deputatlik nazoratini amalga oshirish, hududlarda tinchlik va osoyishtalikni ta’minlash hamda fuqarolarning manfaatlarini himoya qilish borasidagi monitoring ishlari izchil davom ettirilmoqda.