Angor tumanida mahallabay ishlash tizimi samaradorligini oshirish, "mahalla yettiligi" faoliyatini muvofiqlashtirish hamda aholini doimiy daromad manbai bilan ta'minlash borasidagi deputatlik nazorati izchil davom ettirilmoqda.

Xalq deputatlari Angor tumani Kengashi deputati Primqulov Rustam hamda kotibiyat mudiri Jamshid Raximqulov
14-Kayran saylov okrugiga qarashli “Kayran” mahallasida bo‘ldilar.Tashrif davomida mahalladagi hokim yordamchisining bugungi kundagi ish faoliyati, belgilangan reja va vazifalarning ijrosi atroflicha va tanqidiy tahlil qilindi.

💬Tahlil jarayonida quyidagi eng muhim yo‘nalishlarga e’tibor qaratildi:

Aholi bandligi.Mahallada ishsiz fuqarolar, ayniqsa, yoshlar va xotin-qizlar bandligini ta’minlash, ularni doimiy va barqaror daromad manbaiga ega qilish borasida ko‘rilayotgan choralar samaradorligi;

Tadbirkorlikni qo‘llab-quvvatlash. Oilaviy tadbirkorlikni rivojlantirish dasturlari doirasida fuqarolarga ajratilayotgan imtiyozli kreditlar va subsidiyalarning maqsadli hamda samarali sarflanishi holati;

Kambag‘allikni qisqartirish. Mahalladagi ehtiyojmand va ijtimoiy himoyaga muhtoj oilalarning "xonadonbay" sharoitlarini o‘rganish va ularni daromadli mehnatga (kasb-hunarga) jalb qilish orqali kambag‘allikdan chiqarish bo‘yicha amalga oshirilgan ishlar tahlili.

"Hokim yordamchisining faoliyati qog‘ozdagi hisobotlar yoki quruq raqamlar bilan emas, balki mahallada yangi tashkil etilgan tadbirkorlik subyektlari, muqim ishli bo‘lgan fuqarolar va daromadi oshgan xonadonlar soni bilan baholanishi shart. Bu borada deputat bilan hamkorlikda ishlash muammolarga tezkor va qonuniy yechim topish imkonini beradi.