️Xalq deputatlari Jondor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi H.Karaeva hamda tuman Kengashi kotibiyati mudiri I.Xolov hamkorlikda 1-son texnikumda o‘quvchi-yoshlar uchun yaratilgan sport infratuzilmasi holatini joyiga chiqib o‘rgandilar.
✔️O‘rganish davomida texnikum hamda hududdagi xususiy maktab sport zallari, ulardagi sport anjomlari, jihozlarning mavjudligi va foydalanish holati atroflicha ko‘zdan kechirildi. Shuningdek, sport mashg‘ulotlarini samarali tashkil etish uchun yaratilgan sharoitlar tahlil qilindi.
✔️Nazorat tadbiri jarayonida ayrim kamchilik va muammolar aniqlanib, ularni bartaraf etish yuzasidan tegishli choralar ko‘rish zarurligi qayd etildi. Shu munosabat bilan aniqlangan kamchiliklarni bartaraf etish bo‘yicha tuman hokimining o‘rinbosari N.Axmatov nomiga deputat so‘rovi yuborishga kelishib olindi.
✔️Xalq deputatlari Jondor tumani Kengashi tomonidan yoshlarning sport bilan muntazam shug‘ullanishi uchun munosib sharoitlar yaratish, sport infratuzilmasini yanada yaxshilash va mavjud muammolarni bartaraf etish masalalari doimiy nazoratda olib boriladi.