🏛 #ish_reja_ijrosi
#24_ta_tavsiyalar_ijrosi
#kotibiyat_xodimi

Xalq deputatlari Bandixon tuman Kengashining 16-"Qaldirg'och" saylov okrugi deputati D.Qudratovga biriktirilgan tuman
Kengashi kotibiyati bosh mutaxassisi B.Qurbonov tomonidan "Qaldirg'och" mahallasida deputatlik nazorati doirasida navbatdagi o‘rganish ishlari olib borildi.

O‘rganish davomida mahallada faoliyat yuritayotgan ijtimoiy xodim tomonidan ehtiyojmand oilalar, yolg‘iz yashovchi keksalar, nogironligi bo‘lgan shaxslar, boquvchisini yo‘qotgan oilalar hamda ijtimoiy himoyaga muhtoj fuqarolar bilan amalga oshirilayotgan ishlar atroflicha tahlil qilindi.

Xususan, fuqarolarning ijtimoiy muammolarini aniqlash, ularni "mahallabay" tizim asosida o‘rganish, murojaatlarni o‘z vaqtida qabul qilish va ijrosini ta'minlash, davlat tomonidan ko‘rsatilayotgan ijtimoiy xizmat va yordamlarning manzilliligi hamda sifati yuzasidan amalga oshirilayotgan ishlar o‘rganildi.

Shuningdek, ijtimoiy xodim tomonidan yuritilayotgan hujjatlar, elektron axborot tizimlariga ma'lumotlarning o‘z vaqtida kiritilishi, fuqarolar bilan individual ishlash, ehtiyojmand oilalarni qo‘llab-quvvatlash, ularning bandligini ta'minlash, sog‘lig‘ini tiklash va boshqa ijtimoiy masalalar bo‘yicha olib borilayotgan amaliy ishlar ham ko‘zdan kechirildi.

O‘rganish jarayonida O‘zbekiston Respublikasining "Aholiga ijtimoiy xizmatlar va yordam ko‘rsatish tizimini takomillashtirish to‘g‘risida"gi qonunchilik hujjatlari hamda "Fuqarolarning murojaatlari to‘g‘risida"gi Qonuni talablariga muvofiq fuqarolarning murojaatlarini o‘z vaqtida ko‘rib chiqish, ularga qonuniy va asosli javob berish, shuningdek, ijtimoiy himoyaga muhtoj fuqarolarni davlat tomonidan qo‘llab-quvvatlash masalalariga alohida e'tibor qaratildi.

Nazorat tadbiri davomida fuqarolar tomonidan bildirilgan murojaatlar, taklif va muammolar tinglanib, ularning yechimi yuzasidan tegishli mutasaddilar bilan hamkorlikda amalga oshirilishi lozim bo‘lgan chora-tadbirlar belgilab olindi.

Aniqlangan ayrim kamchiliklar va mavjud muammolar yuzasidan mas'ullarga tegishli tavsiya hamda takliflar berilib, ularni bartaraf etish bo‘yicha aniq vazifalar yuklatildi.