«Тоза ҳудуд» ДМ Янгиқўрғон тумани филиали раҳбари ҳисобот берди
Ҳисоботда 2026 йилнинг ўтган 6 ойи давомида амалга оширилган ишлар, аҳолига кўрсатилаётган санитария-тозалаш хизматлари ҳамда мавжуд муаммолар ҳақида маълумот берилди.
Таъкидланганидек, тумандаги 29 та маҳаллага график асосида хизмат кўрсатилмоқда. Айрим ҳудудларда чиқиндилар ҳажмининг ортиб кетиши, махсус техникалар етишмаслиги ва тўловларнинг ўз вақтида амалга оширилмаслиги сабабли хизмат кўрсатиш муддатлари чўзилмоқда.
Шунингдек, 31 та маҳалланинг дебитор қарздорлиги 5 млрд 250 млн сўмни ташкил этаётгани, айрим ташкилотлар, тадбиркорлик субъектлари ва кўп қаватли уйлар бўйича шартнома ҳамда чиқинди контейнерлари билан боғлиқ муаммолар мавжудлиги қайд этилди.
Ҳозирда тўпланиб қолган чиқиндиларни босқичма-босқич олиб чиқиш ва аҳоли ўртасида тушунтириш ишларини кучайтириш чоралари кўрилмоқда.
♻️ Туман тозалиги ва ободлиги учун барчамиз масъулмиз!