14-sonli MTMdagi
o‘rganish: Yutuqlar va yechimini kutayotgan muammolar 

Kotibiyat bosh
mutaxassisi G.Xudoyqulovaga biriktirilgan 20-Kultepa saylov okrugi deputati
(XDP partiya guruhi a’zosi) G.G‘ulomxonova hududiga qarashli Kultepa MFYdagi
14-sonli MTMda o‘rganish ishlari olib borildi. 

O‘rganish
jarayonida muassasadagi ijobiy holatlar bilan bir qatorda, hal etilishi lozim
bo‘lgan jiddiy muammolar ham aniqlandi: 

Ta’mir talab
bino: MTMning eski binosi ta’mirga muhtoj. 

Ijro etilmagan
qaror: Xalq deputatlari tuman Kengashining 2025-yil 24-noyabrdagi
VII-19-91-10-142-K/25-sonli qaroriga asosan, maktabgacha ta’lim muassasalarida
ichki hojatxonalar qurish va ta’mirlash, issiqlik tizimini tartibga keltirish
hamda TP elektr qurilmalarini o‘rnatish uchun mablag‘lar ajratilgan. 

Ortga
surilayotgan ishlar: O‘rganish davomida hojatxonani ta’mirlash ishlari va TP
elektr qurilmalarini o‘rnatish ishlari haligacha boshlanmagani ma’lum bo‘ldi.
MTM mudirasi D.Abdullayevaning so‘zlariga ko‘ra, hojatxona uchun faqat shifer
berilgan, qolgan barcha zarur qurilish materiallari esa hanuzgacha taqdim
etilmagan. 

Mazkur holat
deputat nazoratiga olindi. Tuman Kengashi qarori ijrosini ta’minlash,
ajratilgan mablag‘larning maqsadli ishlatilishi hamda belgilangan ishlarni o‘z
vaqtida yakunlash bo‘yicha tegishli tashkilotlarga so‘rov chiqariladi. 

Muammolar ijobiy
hal etilishiga qadar nazoratda bo‘ladi. 

Telegram(http://t.me/PiskentTumaniKotibiyati)  

Facebook(https://www.facebook.com/share/1B4wErcYvP/ 

Instagram(https://www.instagram.com/piskent_tuman_kengashi?igsh=MXY1ZzNjYXhweG1oZw