Xalıq deputatları Bozataw rayonlıq Kenesi, 4-sanlı “Tórtkúl” saylaw okruginen (MTDP) saylanǵan deputat A.Jangabaeva hám Keńes sekretariatı bas qánigesi S.Alimovlar tárepinen Qusxanataw APJ aymaǵındaǵı ónermentler tigiw cexında bolıp, ol jerdegi jumıslar menen keń túrde tanıstı.
Ilaj dawamında olar Tigiw cexında jumıs alıp barıp atırǵan tiginshilerdiń jumıs sharayatı, olardıń kúndelikli ónim islep shıǵarıw processin jaqınnan kózden ótkerdi. «Margulan ónermentleri» tigiw cexı tiykarınan xalıq paydalanıw mólsherlengen bolıp kiyim-kenshekler, arnawlı buyırtpalar boyınsha tigilgen ónimler tayarlanıwǵa mólsherlengen.
Deputatlar ónimlerdiń sapasına, dizaynına hám bazar talaplarına sáykes keliwi boyınsha alıp barılıp atırǵan jumıslarǵa joqarı baha berdi.
Sonday-aq, olar tigiw cexınıń bazar ekonomikasındaǵı áhmiyeti, sondayaq bunday kásip iyeleri uztaz shákirt tayarlawda hám qosımsha jumıs orınların jaratıwda salmaqlı úles qosatuǵınlıǵın atap ótti.
Ilaj juwmaǵında deputatlar bunday cexlardıń sanın kóbeytiw, olarǵa qolaylı sharayatlar jaratıw hám aymaq ekonomikasın rawajlandırıwda ónermentlerdiń ornın kúsheytiw boyınsha jumıslar dawam ettiriletuǵının bildirdi.