A.Sog‘uniy mahallasida hokim yordamchisi faoliyati o‘rganildi

🇺🇿 Xalq deputatlari Uchtepa tumani Kengashi deputati Tursunova Shaxnoza Jurakulovaning okrugida 24 talik tavsiyalar ijrosi yuzasidan "17-Guliston" saylov okrugidagi "A.Sog‘uniy" mahalla fuqarolar yig‘inida navbatdagi o‘rganish ishlari olib borildi.

📝 O‘rganish davomida mahalla yettiligi bilan uchrashilib, hududning bugungi holati va amalga oshirilayotgan ishlar muhokama qilindi. Mahalla hududida 25 ta ko‘p qavatli uy mavjud bo‘lib, ularda 1 402 ta xonadon, 1 822 ta oila hamda 5 066 nafar aholi istiqomat qilishi qayd etildi.

📁 24 talik tavsiyalarga muvofiq, hokim yordamchisi tomonidan amalga oshirilayotgan ishlar samaradorligi, xususan aholini kambag‘allikdan chiqarish, bandligini ta’minlash va daromadlarini oshirish borasida olib borilayotgan ishlar o‘rganildi.

🗂 Shuningdek, O‘zbekiston Respublikasi Prezidentining 2023-yil 21-dekabrdagi PF-209-son "Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida"gi Farmonida belgilangan vazifalar ijrosi yuzasidan tahlil o‘tkazildi.

🕯 O‘rganish jarayonida 2022-yildan buyon mazkur mahallada hokim yordamchisi sifatida faoliyat yuritib kelayotgan Y.Xadjayevning faoliyati, amalga oshirilgan ishlar hamda kelgusidagi ustuvor vazifalar ko‘rib chiqildi.

💼 O‘rganishda xalq deputatlari Uchtepa tumani Kengashi kotibiyati mudiri Anvar Usmonov, kotibiyat bosh mutaxassisi Umidbek Abilov hamda "mahalla yettiligi" a'zolari ishtirok etdi.