Xalq deputatlari Andijon shahar Kengashi kotibiyati bosh mutaxassisi O.Olimjonov, “Ozodlik” MFY raisi N.Asqarov hamda murojaat muallifi P.Tursunova ishtirokida murojaat joyiga chiqib o‘rganildi.

Murojaatda mahalla hududida foydalanilmasdan bo‘sh turgan binoni mahalla balansiga o‘tkazish hamda uni mahalla idorasi sifatida foydalanish uchun amaliy yordam so‘ralgan.

O‘rganish jarayonida mazkur bino hozirda Ichki ishlar organlari balansida ekanligi sababli, ularning yozma roziligi asosida hamda shahar hokimligi bilan kelishilgan holda balansdan balansga o‘tkazish masalasi amaldagi qonunchilik tartibida ko‘rib chiqilishi yuzasidan tushuntirish berildi.

Shuningdek, masalani ko‘rib chiqish yuzasidan Andijon shahar Ichki ishlar boshqarmasi hamda Andijon shahar hokimligiga aloqa xati kiritilishi belgilandi.

Fuqarolar murojaatlarini o‘rganish va qonuniy yechim topish ishlari davom etmoqda.