Xalq deputatlari Shovot tumani Kengashining navbatdagi sessiyasida “Yoshlar daftari” jamg‘armasi mablag‘lari hisobidan mablag‘ ajratish to‘g‘risidagi qaror qabul qilindi.

Qarorga ko‘ra, tumanda “Besh tashabbus olimpiadasi” doirasida futbol va mini futbol bo‘yicha “Hokim kubogi” musobaqalari g‘oliblarini taqdirlash hamda “Davlat xavfsizlik xizmati kubogi”ning 2026-yilgi mavsum ochilish marosimini tashkil etish uchun 63 million 366 ming so‘m mablag‘ ajratildi.

Shuningdek, ajratilgan mablag‘larning maqsadli va shaffof sarflanishini ta’minlash hamda yoshlar bilan manzilli ishlashni kuchaytirish bo‘yicha mas’ullarga tegishli vazifalar yuklatildi.