Tashrifdan asosiy maqsad - davlat rahbarining 2026-yil 5-fevraldagi PQ-48-sonli Qarori ijrosini ta'minlash hamda ko'p qavatli uylardagi turmush sharoitini yaxshilash borasidagi ishlarni o'rganish.

💬 Muhokama davomida, quyidagilarga urg‘u berildi:

⏺Obodonlashtirish va ko'kalamzorlashtirish: Ko'p qavatli uylar atrofini toza saqlash, manzarali daraxtlar va gullar ekish, bolalar maydonchalarini zamonaviy talablarga moslashtirish bo'yicha bajarilayotgan va rejalashtirilgan ishlar.

⏺Aholi bilan muloqot: Boshqaruv servis kompaniyasining aholi murojaatlarini qabul qilish, ularga tezkor va sifatli javob qaytarish mexanizmlari. Muntazam ravishda o'tkaziladigan yig'ilishlar va tushuntirish ishlarining ahamiyati.

⏺Umumiy foydalanish joylari: Kirish yo'laklari, zinapoyalar va boshqa umumiy foydalanishdagi hududlarni doimiy nazoratda saqlash va tartibga keltirish.

✔️ Deputatlar tomonidan boshqaruv servis kompaniyasi rahbariga aniq va muddatli vazifalar yuklatilib, aholining turmush tarzini yaxshilashga qaratilgan chora-tadbirlarni yuqori sifatda va o'z vaqtida bajarish zarurligi ta'kidlandi.