“Kelajak” MFYdagi 5-DMTT muammolari o‘rganildi

Xalq deputatlari viloyat Kengashi deputati S. Nazarova hamda kotibiyat mudiri A. Avliyakulov birgalikda “Kelajak” MFY hududidan kelib tushgan murojaatlar yuzasidan 5-DMTTdagi mavjud muammolarni o‘rgandi.

O‘rganish davomida muassasadagi shart-sharoitlar, tarbiyalanuvchilar uchun yaratilgan imkoniyatlar, ta’lim-tarbiya jarayoni hamda mavjud kamchiliklar atroflicha ko‘zdan kechirildi.

Jarayonda muassasada ichimlik suvi ta’minoti bilan bog‘liq muammolar mavjudligi, xususan unitazlar uchun suv hamda hududdagi yerlarni sug‘orish suvi yetishmasligi aniqlandi. Suv tanqisligi sababli ekilgan daraxtlarning qurib qolayotgani ham qayd etildi.

Aniqlangan muammolarni bartaraf etish, muassasadagi sharoitlarni yaxshilash hamda bolajonlar uchun qulay va zamonaviy muhit yaratish yuzasidan tegishli mutasaddilarga topshiriq va tavsiyalar berildi.