🏛Xalq deputatlari tuman Kengashi deputatlari I.Quchqarova hamda N.Turdiyevlar tomonidan Xalq deputatlari Sirdaryo viloyati Kengashining tegishli qarori asosida “Ko‘rkam diyor” mahallasi Intilish ko‘chasida joylashgan ko‘p qavatli uylarni ta’mirlash ishlari holati yuzasidan o‘rganish olib borildi.

📌O‘rganish jarayonida ayrim qurilish va obodonlashtirish ishlari oxiriga yetkazilmagani aniqlandi. Jumladan, 9-ko‘p qavatli uy atrofida piyodalar yo‘lakchasi barpo etilmagani hamda 9- va 10-ko‘p qavatli uylarning kirish qismlariga eshiklar o‘rnatilmagani ma’lum bo‘ldi.

📄Aniqlangan kamchiliklar yuzasidan tegishli mas’ul tashkilot vakillariga qurilish-ta’mirlash ishlarini sifatli va belgilangan muddatlarda yakunlash bo‘yicha topshiriqlar berildi. Shuningdek, aholi uchun qulay va xavfsiz sharoit yaratish masalasiga alohida e’tibor qaratilishi ta’kidlandi.