"Amu sohillari" mahallasidagi tahliliy o‘rganishlarning davomi sifatida, Xalq deputatlari Termiz shahar Kengashi raisi D.Normuradova, kotibiyat mudiri A.Ashurov hamda deputat G.Xudaykulova hududdagi ko‘p qavatli uylarning bugungi kundagi holati va ularga ko‘rsatilayotgan servis xizmatlari sifati bilan yaqindan tanishdilar.

📌Mazkur o‘rganish jarayoni O‘zbekiston Respublikasi Prezidentining 2026-yil 5-fevraldagi PQ-48-sonli (“Ko‘p kvartirali uylarni boshqarish tizimini yanada takomillashtirish bo‘yicha qo‘shimcha chora-tadbirlar to‘g‘risida”) qarori hamda xalq deputatlari Termiz shahar Kengashining tegishli qarorlari ijrosini ta’minlash maqsadida tashkil etildi.

💬 Tahlil jarayonida quyidagi jihatlarga asosiy e’tibor qaratildi:

▶️ Boshqaruv tizimi samaradorligi: PQ-48-sonli qaror talablaridan kelib chiqib, Boshqaruv servis kompaniyalari (BSK) tomonidan ko‘rsatilayotgan xizmatlar sifati, majburiy badallarning maqsadli sarflanishi va hisobdorlik masalalari;

▶️ Muhandislik kommunikatsiyalari: Binolarning yerto‘la qismidagi quvurlar holati, tom qismining mustahkamligi hamda elektr shitlarining xavfsizligi;

▶️ Atrof-muhit obodligi: Uylar atrofidagi piyodalar yo‘laklari, bolalar maydonchalari va yoritish tizimlarining bugungi holati.

✔️Deputatlar tomonida o‘rganish jarayonida aniqlangan kamchiliklarni bartaraf etish yuzasidan ushbu hududga xizmat ko‘rsatuvchi boshqaruv servis kompaniyasi rahbariga qat’iy ko‘rsatmalar berildi.

💬 "Prezidentimiz tomonidan qabul qilingan PQ-48-sonli qaror ko‘p qavatli uylarda yashovchi har bir fuqaro uchun shinam va xavfsiz muhit yaratishni ko‘zda tutadi. Bizning vazifamiz — bu islohotlarning har bir xonadonda amaliy natija berishini ta’minlashdir," — deya ta’kidladi Kengash raisi D.Normuradova.

🫥 Maqsad – Aholi uchun qulay, zamonaviy va xavfsiz yashash sharoitlarini yaratish hamda ko‘p qavatli uylarni boshqarishda sifat darajasini yangi bosqichga olib chiqish.