Xalq deputatlari Parkent tuman Kengashining “Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya” raisi Abduvoxidov Shuxrat Abduxamidovich, Xalq deputatlari Parkent tuman Kengashining “Agrar, suv xo‘jaligi va ekologiya masalalari bo‘yicha doimiy komissiya” raisi Muxitdinov Xusnitdin Muxitdinovich, tuman Kengashi deputati Xojiboyev Jalol Xotamboyevich hamda mutasaddi tashkilotlar rahbarlari ishtirokida “Gulbog‘” MFY fuqorolari bilan uchrashuv tashkil etildi. Uchrashuv davomida hududda qurilishi rejalashtirilayotgan ko‘p qavatli uylar, amalga oshiriladigan bunyodkorlik ishlari hamda loyihaning aholi uchun yaratiladigan qulayliklari haqida batafsil ma’lumot berildi. Shuningdek, jamoatchilikni mazkur jarayonlardan xabardor qilish, fuqarolarning fikr va takliflarini tinglash hamda ularni qiziqtirgan
savollarga mutasaddilar tomonidan atroflicha javob qaytarildi. Muloqot jarayonida aholi tomonidan bildirilgan taklif va mulohazalar tegishli tartibda ko‘rib chiqilishi ta’kidlandi.