Deputatlar qarori — amalda: Uzun tumanidagi "Shodlik" bog‘i yangi qiyofaga kirmoqda!

📉O‘zbekiston Respublikasi Prezidentining topshiriqlariga asosan, Uzun tumanida tadbirkorlikni rivojlantirish va aholi bandligini ta’minlash borasida keng ko‘lamli islohotlar amalga oshirilmoqda.

Xususan, 2025-yil 17-noyabrdagi VII-11-79-8-118-K/25-sonli qaror ijrosini ta’minlash maqsadida tuman markazidagi sevimli maskan — "Shodlik" istirohat bog‘ini tubdan yangilash ishlari jadal davom etmoqda.

🏗 Nimalar o‘zgarmoqda?
Xalqimizning madaniy dam olishi va tumanimiz ko‘rkiga ko‘rk qo‘shish maqsadida istirohat bog‘ida quyidagi yo‘nalishlarda ishlar olib borilmoqda:

✅ Zamonaviy landshaft dizayni: Bog‘ hududi to‘liq ko‘kalamzorlashtirilib, zamonaviy sug‘orish tizimlari o‘rnatilmoqda.

✅ Yangi attraksionlar: Bolajonlar va kattalar uchun xalqaro standartlarga javob beruvchi, xavfsiz va qiziqarli o‘yin qurilmalari o‘rnatilmoqda.

✅ Xizmat ko‘rsatish sifati: Bog‘ hududida tadbirkorlik subyektlari jalb qilinib, zamonaviy kafelar, oilaviy dam olish zonalari va xizmat ko‘rsatish nuqtalari tashkil etilmoqda.

✅ Yoritish va xavfsizlik: Tungi vaqtda ham aholi sayr qilishi uchun energotejamkor LED yoritkichlar va kuzatuv kameralari o‘rnatilmoqda.

📱Telegram📱Facebook📱Instagram