“HUDUD SANITARIYA HOLATI VA INFRASTRUKTURA MUAMMOLARI O‘RGANILDI”

Xalq deputatlari Navoiy shahar Kengashi deputati Irgasheva Nilufar Uralovna Navoiy shahridagi “Tinchlik” mahallasida bo‘lib, hududdagi chiqindilar holati hamda ko‘cha infratuzilmasini o‘rgandi.

O‘rganish jarayonida mahalla hududidagi oqova suv tizimida ayrim muammolar mavjudligi, buning natijasida ko‘chalarda suv to‘planib qolayotgani hamda sanitariya holatiga salbiy ta’sir ko‘rsatayotgani aniqlangan holatlar ko‘zdan kechirildi.

Shuningdek, chiqindilarni o‘z vaqtida olib chiqish, ko‘chalarni toza saqlash va obodonlashtirish ishlari yuzasidan mavjud vaziyat tahlil qilinib, tegishli mutasaddilarga kamchiliklarni bartaraf etish bo‘yicha aniq topshiriqlar va tavsiyalar berildi.

Ta’kidlanganidek, mahalla hududlarida sanitariya holatini yaxshilash, oqova suv tizimidagi muammolarni bartaraf etish hamda aholiga qulay va toza yashash muhitini yaratish ustuvor vazifalardan biri hisoblanadi.

O‘rganish yakunida aniqlangan muammolarni bartaraf etish bo‘yicha amaliy chora-tadbirlar belgilab olindi.