“Qishloqozon” mahallasida mahalla yettiligi faoliyati o‘rganildi

Xalq deputatlari tuman Kengashi kotibiyati bosh mutaxassisi A.Mamarajabov 14-Qishloqozon saylov okrugidan saylangan deputat J.Xudoyqulova hududidagi “Qishloqozon” mahallasida bo‘lib, mahalla yettiligi faoliyati bilan yaqindan tanishdi.

O‘rganish jarayonida mahalla fuqarolar yig‘ini faoliyati, hududda amalga oshirilayotgan ishlar, aholi murojaatlari bilan ishlash holati hamda mavjud muammolarni bartaraf etish bo‘yicha olib borilayotgan chora-tadbirlar ko‘zdan kechirildi.

Shuningdek, mahalla hududidagi ijtimoiy-iqtisodiy holat, infratuzilma masalalari hamda aholi bandligini ta’minlash borasida amalga oshirilayotgan ishlar o‘rganildi. Hududdagi mavjud muammolarni bartaraf etish va fuqarolar uchun yanada qulay shart-sharoitlar yaratish yuzasidan tegishli tavsiyalar berildi.

Bu kabi o‘rganishlar hududdagi mavjud muammolarni aniqlash, ularni tizimli ravishda hal etish hamda aholi bilan ochiq muloqotni mustahkamlashda muhim аҳamият kasb etadi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram

#A_Mamarajabov_J_Xudoyqulova