Aholi murojaatlari deputat e’tiborida

Xalq deputatlari Yunusobod tuman Kengashi deputati Sabura Normetova tomonidan Sobirobod mahallasida aholi murojaatlari o‘rganildi.

Mazkur o‘rganish ishlari O‘zbekiston Respublikasining “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi O‘RQ–562-son Qonuni mazmuniga hamohang ravishda amalga oshirildi.

Uchrashuv davomida fuqarolarning, ayniqsa, xotin-qizlarning ijtimoiy himoyasi, bandligi, oilaviy va maishiy masalalari, turmush sharoitlarini yaxshilash hamda mahallada teng imkoniyatlarni ta’minlash bilan bog‘liq murojaatlari tinglandi.

Deputat tomonidan ko‘tarilgan masalalar yuzasidan tegishli mutasaddi tashkilotlar bilan hamkorlikda amaliy choralar ko‘rish belgilab olindi.

Bunday o‘rganishlar mahallalarda fuqarolarning qonuniy manfaatlarini himoya qilish, xotin-qizlar va erkaklar uchun teng huquq hamda imkoniyatlarni ta’minlash, shuningdek, aholi farovonligini oshirishga xizmat qiladi.

Bizni kuzatishda davom eting!