📍Xalq deputatlari Guliston shahar Kengashi deputati Yulduz Usmonova Bahor mahallasida bo‘lib, mahalla yettiligi faoliyati hamda hududdagi ijtimoiy masalalar yuzasidan o‘rganish olib bordi.

🔹 O‘rganish jarayonida mahalladagi hokim yordamchisi, yoshlar yetakchisi hamda mas’ullar bilan suhbatlashilib, aholi va yoshlar bandligini ta’minlash, kasb-hunarga yo‘naltirish, tadbirkorlikka jalb qilish va yoshlarning bo‘sh vaqtini mazmunli tashkil etish borasida amalga oshirilayotgan ishlar muhokama qilindi.

🔸 Shuningdek, mahallada “Ayollar daftari”, “Yoshlar daftari” va “Temir daftar” asosida olib borilayotgan ishlar, ishga muhtoj fuqarolar bilan manzilli ishlash holati ham deputat tomonidan o‘rganildi.

🔺 Deputat Yulduz Usmonova mahalla faollari bilan muloqot davomida aholining murojaatlari, ayniqsa yoshlar bandligi va ularni doimiy daromad manbaiga ega qilish masalalari doimiy e’tiborda bo‘lishi zarurligini ta’kidladi.

🔺O‘rganish yakunida mavjud muammolarni hal etish, yoshlarni qo‘llab-quvvatlash hamda mahallada ijtimoiy muhitni yanada yaxshilash yuzasidan tegishli tavsiya va takliflar bildirildi.