O‘rganish davomida uy atrofiga tutash hududda qurib qolgan va avariya holatiga kelib qolgan daraxtlar fuqarolar hayoti va salomatligiga xavf tug‘dirayotgani, shuningdek, hududdagi harakat xavfsizligi bilan bog‘liq muammolar mavjudligi aniqlandi.

Xususan, 26-sonli uyga olib boruvchi kirish yo‘lagi berk ko‘cha hududida joylashgani sabab ayrim transport vositalari haydovchilari yuqori tezlikda harakatlanayotgani, bu esa ko‘p qavatli uy oldida joylashgan bolalar maydonchasi va aholi xavfsizligiga jiddiy xavf tug‘dirayotgani qayd etildi.

Mazkur holatlar yuzasidan deputat tomonidan mutasaddi tashkilotlarga deputatlik so‘rovlari yuborilib, hududdagi qurib qolgan daraxtlarni mutaxassislar ishtirokida o‘rganish, xavfli daraxtlarni belgilangan tartibda kesish hamda sanitariya-tozalash ishlarini amalga oshirish so‘raldi.

Shuningdek, hududga “Berk ko‘cha (tupik)”, “Tezlikni cheklash” va boshqa ogohlantiruvchi yo‘l belgilarini o‘rnatish, zaruratdan kelib chiqib sun’iy notekislik (“yotuvchi politsiya”) tashkil etish masalalarini ko‘rib chiqish yuzasidan ham tegishli idoralarga murojaat yo‘llandi.

Mazkur masalalar deputat nazoratiga olindi.