Yig‘ilish davomida mahalla raisi va "mahalla yettiligi" vakillarining bugungi kundagi faoliyati, aholi murojaatlari bilan ishlash tizimi hamda ijtimoiy-ma’naviy muhitni sog‘lomlashtirish borasidagi ishlari ko‘rib chiqildi.

✔️ Deputatlar mahalla vakillarining o‘tgan davr mobaynida amalga oshirgan ishlarini, xususan, aholi bilan yaqin muloqot o‘rnatilganligi va hududdagi ijtimoiy masalalarga tezkor yechim topilayotganini ijobiy baholadilar.

💬 Erishilgan natijalar bilan to‘xtab qolmasdan, ishlarni yanada jadallashtirish bo‘yicha quyidagi tavsiyalar berildi:

▶️ "Kambag‘allikdan farovonlik sari" dasturi doirasida xonadonbay o‘rganishlar sifatini oshirish;

▶️Mahalladagi ishsiz fuqarolar, ayniqsa yoshlar va ayollar bandligini ta’minlashga ko‘proq e’tibor qaratish;

▶️Hududni yanada obod qilish va aholi madaniyatini yuksaltirish bo‘yicha targ‘ibot ishlarini kuchaytirish.

💬"Mahalla faollarining jipsligi va fidoyiligi aholining hayotdan roziligini belgilaydi. 'Tinchlik' mahallasida shakllangan ish tizimi boshqalarga namuna bo‘la oladi. Endigi maqsad — bu sur’atni yanada oshirish," — deya ta’kidlashdi deputatlar.