O‘zbekiston Respublikasi Prezidentining 2025-yil 23-iyundagi PF-98-son Farmoni bilan mahalliy Kengashlar faoliyatini yanada takomillashtirishga qaratilgan bir qancha muhim vakolatlar berilishi nazarda tutilmoqda.

Shulardan biri – mahalliy Kengashlarning budjet mablag‘larining sarflanishi ustidan Kengash nazoratini amalga oshirib borishidir.

Aniqroq aytganda, budjetni shakllantirish jarayoniga deputatlarni faol jalb qilish, ularning tashabbuslarini qo‘llab-quvvatlash. Bunda deputat o‘z hududidagi mavjud holatlarni aniqlaydi, budjet mablag‘lari hisobidan sarf qilinishi mumkin bo‘lgan takliflarini ishlab chiqadi hamda ularni sessiya muhokamasiga kiritib, navbatdagi yil budjet parametrlariga kiritadi.

Kengash tomonidan tasdiqlangan budjetni hamda uning ijrosi bo‘yicha hisobotlarni sessiya muhokamasidan so‘ng “E-Kengash” platformasi orqali e’lon qilib borish amaliyoti joriy etilmoqda.

Bu esa deputatlarning o‘z saylovchilari oldidagi mas’uliyatini oshishiga, deputatlik vazifalarini ochiq va shaffof bajarilishiga olib keladi.