Mamlakatimizda amalga oshirilayotgan demokratik islohotlar jarayonida mahalliy vakillik organlarining, xususan, tuman xalq deputatlari kengashlarining norma ijodkorligi sohasidagi faoliyati muhim ahamiyat kasb etmoqda.Tuman Kengashi faoliyatida norma ijodkorligini takomillashtirish,ya’ni huquqiy hujjatlarni ishlab chiqish va qabul qilish jarayonlarida tizimli yondashuvni ta’minlash orqali qarorlar sifati va ta’sirchanligini oshirish maqsad qilingan. Buning uchun:

• normativ-huquqiy hujjatlar loyihalariga ilmiy-huquqiy tahlil asosida yondashish;

• mutasaddi tashkilotlar va ekspertlar bilan hamkorlikda qarorlar loyihasini ishlab chiqish;

• huquqiy ekspertiza va baholash mexanizmlarini joriy etish amaliyoti kengaymoqda.

Norma ijodkorligida ochiqlik va jamoatchilik ishtirokiga asoslangan yondashuv bugungi kunning talabidir va fuqarolarning davlat boshqaruvidagi ishtirokiga zamin yaratadi.