Yaqinda Prezident Shavkat Mirziyoyev raisligida o‘tgan videoselektor yig‘ilishida mahalliy sanoatni rivojlantirish bo‘yicha muhim vazifalar belgilandi. Bu yig‘ilishda asosiy e’tibor – har bir hududning sanoat salohiyatidan to‘liq foydalanish, yangi ish o‘rinlari yaratish va ichki bozorni mahalliy mahsulotlar bilan ta’minlashga qaratildi.

Prezident har bir tuman va viloyatda sanoat klasterlarini tashkil etish, tadbirkorlikka ko‘mak berish, xomashyoni chuqur qayta ishlovchi korxonalarni yo‘lga qo‘yish zarurligini ta’kidladi. Bu esa joylardagi iqtisodiy faollikni oshirish, aholi bandligini ta’minlash va importga qaramlikni kamaytirishga xizmat qiladi.

Yig‘ilishda belgilangan vazifalar – mahalliy sanoatni rivojlantirish orqali butun mamlakat iqtisodiyotini mustahkamlashga qaratilgan izchil strategiyaning davomidir. Endi esa asosiy vazifa – rejalarni hayotga tatbiq etish va natijadorlikka erishishdir.

Quvondiq Safarov

Xalq deputatlari Jondor tumani Kengashi deputati