Budjet mablag‘larining maqsadli sarflanishi va davlat xaridlari qonunchiligi yuzasidan o‘rganish o‘tkazildi

Xalq deputatlari Termiz tuman Kengashi deputatlari tomonidan Termiz tumani Iqtisodiyot va moliya bo‘limida doimiy komissiyaning ish rejasiga asosan byudjet mablag‘larining maqsadli sarflanishi hamda ulardan samarali foydalanish holati yuzasidan o‘rganish ishlari olib borildi.

O‘rganish davomida ajratilgan byudjet mablag‘larining qonunchilik talablariga muvofiq sarflanishi, davlat xaridlarini tashkil etish jarayonlari, moliyaviy intizom va mablag‘lardan samarali foydalanish holati tahlil qilindi.

Shuningdek, mas’ul xodimlar ishtirokida O‘zbekiston Respublikasining “Davlat xaridlari to‘g‘risida”gi Qonuni (Qonunchilik palatasi tomonidan 2020-yil 1-dekabrda qabul qilingan, Senat tomonidan 2021-yil 12-martda ma’qullangan) mazmun-mohiyati yuzasidan tushuntirish berildi.

Ta’kidlanganidek, mazkur Qonun davlat xaridlarini ochiqlik, shaffoflik, raqobat, xolislik va samaradorlik tamoyillari asosida tashkil etishni, byudjet mablag‘laridan oqilona foydalanishni hamda korrupsion holatlarning oldini olishni nazarda tutadi. Shuningdek, davlat buyurtmachilarining huquq va majburiyatlari, xarid tartib-taomillari hamda xarid jarayonlari ustidan nazorat mexanizmlari haqida batafsil ma’lumot berildi.

Tadbir yakunida davlat xaridlari sohasida amaldagi qonunchilikka qat’iy rioya etish, byudjet mablag‘laridan samarali va maqsadli foydalanish yuzasidan tegishli tavsiya va takliflar bildirildi.