Xalq deputatlari Bekobod shahar kengashi kotibiyati mudiri X.Ibragimova shaharning “Do‘stlik” mahallasida ko‘p qavatli uylar ichki yo‘laklari va atrofdagi maydon tozaligi o‘rganildi. Bugungi kunda ushbu hududda shahar hokimligi va jamoatchilikning tashabbusi bilan keng miqyosda obodonlashtirish va ko‘klamzorlashtirish tadbirlari amalga oshirilmoqda. Mahalliy aholi vakillari bilan suhbatda yaratilgan ushbu shart-sharoitlar va qulayliklardan, o‘rnatilgan inventarlardan oqilona va samarali foydalanish yuzasidan tushuntirish ishlari olib borildi. Shuningdek,
ushbu ko‘p qavatli uylarda istiqomat qiluvchi fuqarolar tomonidan o‘zaro hasharlar tashkil etilib, atrofdagi maydonlarni toza va saranjom saqlashda mahallada yashayotgan yoshi ulug‘ otaxon va onaxonlarning hissasi kattaligi ta’kidlandi.