Xalq deputatlari Qo‘qon shahar Kengashi deputati J.Xusanov tomonidan "G‘ishtko‘prik" mahalla fuqarolar yig‘inida xotin-qizlar faoli M.Qo‘ziboyeva tomonidan O‘zbekiston Respublikasining 2019-yil 2-sentabrdagi O‘RQ-561-sonli "Xotin-qizlarni tazyiq va zo‘ravonlikdan himoya qilish to‘g‘risida"gi Qonuni ijrosi yuzasidan amalga oshirilayotgan ishlar o‘rganildi.

O‘rganish davomida xotin-qizlar faoli tomonidan qonun talablarini amaliyotga tatbiq etish, xotin-qizlarning huquq va manfaatlarini himoya qilish hamda ularni ijtimoiy qo‘llab-quvvatlash borasida amalga oshirilayotgan ishlar yuzasidan batafsil ma’lumot berildi.

O‘rganish natijalariga ko‘ra:
4 nafar ajrim yoqasidagi oila bilan profilaktik suhbatlar o‘tkazilib, oilalar yarashtirilgan;
65 nafar xotin-qizning ijtimoiy holati o‘rganilib, "Ayollar daftari"ga kiritilgan;
2 nafar xotin-qizga profilaktika inspektori tomonidan himoya orderi rasmiylashtirilgan;
Uzoq muddat xorijda bo‘lgan 3 nafar xotin-qiz Vatanga qaytarilgan;
4 nafar xotin-qizga o‘z tadbirkorlik faoliyatini yo‘lga qo‘yish va daromad manbaiga ega bo‘lishi uchun imtiyozli kreditlar ajratilgan;
Hayotiy qiyin vaziyatga tushib qolgan 19 nafar xotin-qizga huquqiy yordam ko‘rsatilgan.

O‘rganish yakunida xotin-qizlarni tazyiq va zo‘ravonlikdan himoya qilish, ularning huquq va manfaatlarini ta’minlash, ijtimoiy qo‘llab-quvvatlash hamda qonun ijrosini yanada samarali tashkil etish yuzasidan tegishli tavsiya va takliflar bildirildi.

Xalq deputatlari Qo‘qon shahar Kengashi