- Joriy yilning 6-may kuni “Madad” NNT huquqiy maslahat byurosi bosh mutaxassisi O. Ataxanov hamda tegishli soha vakillari ishtirokida xalq deputatlari tuman Kengashi deputatlari D. Xasanova, Z. Polvonova va O‘zbekiston XDP tuman Kengashi raisi O. Akimova bilan hamkorlikda kiber jinoyatchilikning oldini olishga bag‘ishlangan uchrashuv o‘tkazildi.

          - Uchrashuvda internet tarmoqlarida uchrayotgan firibgarlik holatlari, shaxsiy ma’lumotlarning noqonuniy qo‘lga kiritilishi, bank kartalariga oid kiber hujumlar hamda ijtimoiy tarmoqlardagi jinoyatlar haqida ma’lumot berildi.

         - Shuningdek, fuqarolar, ayniqsa yoshlar o‘rtasida internetdan xavfsiz foydalanish madaniyatini shakllantirish, shubhali havolalar va yolg‘on reklamalardan ehtiyot bo‘lish, shaxsiy ma’lumotlarni himoya qilish bo‘yicha tavsiyalar berildi. Kiber jinoyatchilikka qarshi kurashishda huquqiy savodxonlikni oshirish muhimligi ta’kidlandi.

         - Yakunida ishtirokchilar hamkorlikni kuchaytirish va kelgusidagi vazifalar yuzasidan fikr almashdilar.