Xalq deputatlari Qo‘qon shahar Kengashining 20-“To‘laboy” saylov okrugidan saylangan deputati O‘.Maxmudov tomonidan “To‘laboy” mahalla fuqarolar yig‘inida o‘rganish ishlari olib borildi.

O‘rganish davomida mahallaning Xo‘jand ko‘chasidagi 78-uyda istiqomat qiluvchi, Ijtimoiy reyestrga kiritilgan fuqaro E.Muydinova xonadoniga tashrif buyurilib, oilaning yashash sharoiti va ijtimoiy qo‘llab-quvvatlash borasida amalga oshirilgan ishlar bilan tanishildi.

Ma’lum bo‘lishicha, fuqaro yashab kelayotgan xonadon homiylik asosida ta’mirlab berilgan. Bu orqali oilaning uy-joy sharoitlarini yaxshilashga ko‘maklashilgan.

Shuningdek, oila “Saxovat va ko‘mak” jamg‘armasi tomonidan ham qo‘llab-quvvatlangan. Jumladan, vaucher asosida oziq-ovqat hamda kiyim-kechak mahsulotlarini xarid qilish uchun moddiy yordam ko‘rsatilgan.

O‘rganish davomida oilaga ko‘rsatilgan ko‘mak turlari bilan tanishilib, ijtimoiy himoyaga muhtoj fuqarolarni manzilli qo‘llab-quvvatlash va ularning turmush sharoitlarini yaxshilashga qaratilgan ishlarning ahamiyati qayd etildi.

Xalq deputatlari Qo‘qon shahar Kengashi