Mahalladagi ishlar holati o‘rganildi

Xalq deputatlari Qiziltepa tumani Kengashining 6-Vang‘ozi saylov okrugidan saylangan deputati Sh. Samatova betobligi sababli, tuman Kengashi kotibiyati bosh mutaxassisi D. Qanoatov Vang‘ozi mahallasida bo‘lib, mahalla faoliyati bilan yaqindan tanishdi.

O‘rganish davomida, xususan, hokim yordamchisi tomonidan amalga oshirilayotgan ishlar holati, mahalladagi ijtimoiy-iqtisodiy masalalar hamda fuqarolar bilan olib borilayotgan ishlar ko‘rib chiqildi.

Shuningdek, Ijtimoiy reyestrga kiritilgan oilalarga ko‘rsatilayotgan yordamlar, ularning muammolarini hal etish, oilalarni bandligini ta’minlash va daromad manbalarini oshirish borasida amalga oshirilayotgan ishlar holati o‘rganildi.

Aniqlangan masalalar yuzasidan tegishli mas’ullar bilan fikr almashilib, mavjud muammolarni bartaraf etish bo‘yicha zarur choralarni ko‘rish yuzasidan taklif va tavsiyalar bildirildi.