Xalq deputatlari Chinoz tumani Kengashi raisi Abduvohid Turdiboyev tomonidan 2026-yil 18-sentabr kuni “Kattatepalik” mahallasida “mahalla yettiligi” a’zolari, jumladan, mahalla raisi va hokim yordamchisining faoliyati o‘rganildi.
📌 O‘rganish davomida O‘zbekiston Respublikasi Prezidentining 2026-yil 24-iyundagi PF-116-son Farmoni ijrosini ta’minlash, shuningdek, “Mahalla yettiligi” a’zolarining asosiy va hamkorlikdagi vazifalari hamda mahalla faoliyatini qo‘llab-quvvatlash tizimini yanada takomillashtirish bo‘yicha ishlab chiqilgan “Yo‘l xaritasi”da belgilangan vazifalarning bajarilish holatiga e’tibor qaratildi.
🔎 Jumladan, mahalla raisining hududdagi ijtimoiy-iqtisodiy masalalarni muvofiqlashtirish, aholi bilan muloqot qilish, fuqarolar murojaatlarini o‘rganish hamda mahalladagi mavjud muammolarni tegishli tashkilotlar bilan hamkorlikda hal etish borasidagi faoliyati ko‘rib chiqildi.
💼 Hokim yordamchisining esa mahallada tadbirkorlikni rivojlantirish, aholi bandligini ta’minlash, yangi ish o‘rinlari yaratish, daromad manbalarini ko‘paytirish hamda fuqarolarning iqtisodiy faolligini oshirishga qaratilgan ishlarni tashkil etishdagi faoliyati o‘rganildi.
🤝 Shuningdek, “mahalla yettiligi” a’zolari o‘rtasidagi hamkorlik va vazifalarni o‘zaro muvofiqlashtirish, aholi muammolarini birgalikda aniqlash va ularni manzilli hal etish mexanizmlarining amaliyotdagi holati tahlil qilindi.
📋 O‘rganish jarayonida “Yo‘l xaritasi”da belgilangan vazifalarning ijrosini ta’minlash, mahalla faoliyatini yanada samarali tashkil etish, aholi bilan ishlashni kuchaytirish va mavjud muammolarga o‘z vaqtida yechim topish masalalari yuzasidan fikr almashildi.
✅ Yakunda mahallada “mahalla yettiligi”ning o‘zaro hamkorligini yanada kuchaytirish, belgilangan vazifalar ijrosini nazorat qilish hamda aholining muammolarini tezkor va manzilli hal etishga qaratilgan ishlarni izchil davom ettirish bo‘yicha tegishli vazifalar belgilab olindi.

🇺🇿 Xalq deputatlari Chinoz tumani Kengashi