#_deputat_faoliyati
#_24_ta_masala
#_162_ta_qonun
Maktabgacha va maktab ta’limi sohasida qonunlar ijrosi o‘rganildi

Xalq deputatlari Sariosiyo tumani Kengashi deputatlari tomonidan qonun hujjatlarining ijrosini ta’minlash, ularning amaldagi holatini o‘rganish va mavjud muammolarni aniqlashga qaratilgan manzilli o‘rganish ishlari olib borilmoqda.

Shu maqsadda Xalq deputatlari Sariosiyo tumani Kengashining “23-Aeroport” saylov okrugidan saylangan deputat N.Chorshanbiyeva hamda tuman Kengashi kotibiyati bosh mutaxassisi A.Nasriddinov tomonidan “Lutfkor” mahallasi hududida joylashgan Maktabgacha va maktab ta’limi tuman bo‘limida o‘rganish ishlari olib borildi.
O‘rganish jarayonida O‘zbekiston Respublikasining 2019-yil 16-dekabrdagi “Maktabgacha ta’lim va tarbiya to‘g‘risida”gi O‘RQ-595-sonli hamda 2020-yil 23-sentabrdagi “Ta’lim to‘g‘risida”gi O‘RQ-637-sonli qonunlari talablarining ijrosi atroflicha tahlil etildi.
Xususan, mazkur qonunlarda belgilangan vazifalarning ta’lim muassasalarida amalga oshirilishi, maktabgacha ta’lim va tarbiya tizimini yanada takomillashtirish, bolalarni sifatli ta’lim va tarbiya bilan qamrab olish, umumiy o‘rta ta’lim muassasalarida ta’lim jarayonini samarali tashkil etish masalalariga e’tibor qaratildi.

Shuningdek, ta’lim muassasalarining moddiy-texnik bazasi, ta’lim sifati va samaradorligi, pedagog kadrlar bilan ta’minlanganlik holati, o‘quvchilar uchun yaratilgan shart-sharoitlar hamda qonunchilikda belgilangan talablarning amaliyotga tatbiq etilishi yuzasidan tegishli ma’lumotlar o‘rganildi.

O‘rganish davomida aniqlangan masalalar yuzasidan mas’ul xodimlarga qonun talablariga qat’iy rioya etish, mavjud kamchiliklarni bartaraf etish hamda ta’lim sohasida belgilangan vazifalarning sifatli va o‘z vaqtida ijrosini ta’minlash bo‘yicha tavsiyalar berildi.

Bunday manzilli o‘rganishlar qonunlarning amaldagi ijrosini nazorat qilish, aholiga ko‘rsatilayotgan ta’lim xizmatlari sifatini oshirish hamda ta’lim sohasidagi muammolarni tizimli hal etishga xizmat qiladi.