#_doimiy_komissiya_faoliyati
Korrupsiyaning oldini olish va fuqarolar murojaatlari bilan ishlash masalalari muhokama qilindi

Xalq deputatlari Sariosiyo tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi tomonidan korrupsiyaning oldini olish, fuqarolar murojaatlari bilan ishlash samaradorligini oshirish hamda qonunchilik talablariga rioya etilishini ta’minlashga qaratilgan amaliy tadbirlar o‘tkazildi.
Jumladan, doimiy komissiya a’zolari hamda tuman Kengashi kotibiyati bosh mutaxassisi N.Xamdamova ishtirokida “Hamkorlik” mahallasida aholi bilan uchrashuv tashkil etildi. Uchrashuv davomida korrupsiyaviy holatlarning oldini olish, mansabdor shaxslar tomonidan qonunchilik talablariga qat’iy rioya etish, shuningdek, fuqarolarning murojaatlarini belgilangan muddatlarda ko‘rib chiqish va ularni ijobiy hal etish masalalari yuzasidan tushuntirishlar berildi.
Shuningdek, aholiga korrupsiyaning jamiyat taraqqiyotiga salbiy ta’siri, korrupsiyaviy holatlarga murosasiz munosabatni shakllantirish, o‘z huquq va qonuniy manfaatlarini himoya qilish hamda korrupsiya holatlariga duch kelinganda belgilangan tartibda murojaat qilish bo‘yicha tavsiyalar berildi.

Tadbir davomida fuqarolarning taklif va murojaatlari ham tinglanib, ularni hal etish yuzasidan mas’ullarga tegishli tavsiyalar berildi.

Doimiy komissiya tomonidan bunday tadbirlarni muntazam ravishda tashkil etish orqali hududda korrupsiyaviy xavflarni barvaqt aniqlash va ularning oldini olish, aholining huquqiy madaniyatini yuksaltirish hamda fuqarolar murojaatlari bilan ishlash sifatini yanada oshirish maqsad qilingan.