Xalq deputatlari Chinoz tumani Kengashi kotibiyati mudiri A. Baxromov, deputatlar, tuman hokimligi mas’ul xodimlari hamda mahalla raislari ishtirokida tumandagi mahallalarda aholiga maishiy chiqindilarni olib chiqib ketish bo‘yicha ko‘rsatilayotgan xizmatlar holati o‘rganilmoqda.

O‘rganish jarayonida fuqarolar bilan uchrashuvlar o‘tkazilib, ular tomonidan bildirilayotgan murojaat va takliflar belgilangan savolnoma asosida o‘rganib chiqilmoqda.

Navbatdagi o‘rganish ishlari Hamza, Alisher Navoiy va Xo‘ja MFY hududlarida olib borildi.

🔎 O‘rganish davomida quyidagi holatlar aniqlandi:

🔹 Hamza MFY hududidagi Maktab ko‘chasida joylashgan chiqindi yig‘ish shoxobchasida maishiy chiqindilar to‘planib qolgani;
🔹 Alisher Navoiy MFY hududidagi ko‘p qavatli uylar oldiga o‘rnatilgan chiqindi to‘plash qutisi to‘lib qolgani;
🔹 Xo‘ja MFY, Bunyodkor ko‘chasida joylashgan ko‘p qavatli uylar oldida maishiy chiqindilar to‘planib qolgani ma’lum bo‘ldi.

📌 Mazkur holatlar yuzasidan tegishli mas’ullarga muammolarni bartaraf etish, chiqindilarni o‘z vaqtida olib chiqib ketish hamda hududlarda sanitariya-obodonlashtirish holatini yaxshilash bo‘yicha tegishli ko‘rsatma va tavsiyalar berildi.

Shuningdek, aholiga ko‘rsatilayotgan maishiy chiqindilarni olib chiqib ketish xizmatlarining sifati, chiqindilarni belgilangan muddatlarda olib chiqish, chiqindi yig‘ish shoxobchalarining sanitariya holati va fuqarolarning murojaatlari doimiy nazoratga olinishi ta’kidlandi.

✅ O‘rganish ishlari davom etmoqda.