4-sonli oilaviy poliklinikada mavjud masalalar o‘rganildi

Xalq deputatlari Navoiy shahar Kengashi deputati Xudoyqulova Nargiza G‘aybullayevna, O‘zbekiston Xalq demokratik partiyasi Navoiy shahar Kengashi raisi Jo‘rabek Hamroyev hamda kotibiyat bosh mutaxassisi Muborak Astanova Navoiy shahridagi 4-sonli oilaviy poliklinikada bo‘lib, muassasa faoliyati bilan yaqindan tanishdilar.

Tashrif davomida aholiga ko‘rsatilayotgan tibbiy xizmatlar sifati, yaratilgan shart-sharoitlar hamda muassasada mavjud masalalar o‘rganildi. Shuningdek, poliklinika bosh shifokori Jabborova Marhabo Sattorovna bilan suhbat o‘tkazilib, tibbiyot muassasasining faoliyati, mavjud muammolar va ularni bartaraf etish bo‘yicha amalga oshirilayotgan ishlar yuzasidan fikr almashildi.

Suhbat jarayonida aholiga sifatli tibbiy xizmat ko‘rsatishni yanada yaxshilash, tibbiyot xodimlari uchun qulay mehnat sharoitlarini yaratish, mavjud kamchiliklarni bartaraf etish hamda tibbiy xizmatlar samaradorligini oshirish masalalariga alohida e’tibor qaratildi.

O‘rganish yakunida aniqlangan masalalar yuzasidan tegishli tavsiya va takliflar bildirilib, fuqarolarga ko‘rsatilayotgan tibbiy xizmatlar sifatini yanada oshirish bo‘yicha zarur choralarni ko‘rish muhimligi ta’kidlandi.