Xalq deputatlari Andijon shahar Kengashi deputati X. Xolmatov hamda Kengash kotibiyati mutaxassislari tomonidan "Buyuk ipak yo‘li" MFYda aholini qiynayotgan tizimli muammolar o‘rganildi.

O‘rganish davomida mahalla hududidagi yopiq drenaj usulidagi sel yo‘li chiqindilar bilan to‘lib qolgani aniqlanib, muammoni bartaraf etish yuzasidan yuqori tashkilotlarga deputatlik so‘rovi yuborilishi belgilandi.

Shuningdek, mahallaga tutash Andijon tumani hududidagi g‘isht va ohak ishlab chiqarish korxonalaridan ajralayotgan zararli gazlar aholining haqli e’tirozlariga sabab bo‘layotgani qayd etildi. Mazkur holat yuzasidan Ekologiya boshqarmasiga deputatlik so‘rovi yuborilishi ma’lum qilindi.