Xalq deputatlari Marg‘ilon shahar Kengashining “Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha” doimiy komissiyasi a’zosi X.Mashrabayeva tomonidan O‘zbekiston Respublikasi Prezidentining 2026-yil 5-fevraldagi PQ-48-son Qarori ijrosi yuzasidan deputat so‘rovi yuborildi.

Deputat hududlarda o‘tkazgan o‘rganishlari davomida ko‘p kvartirali uylar hovlilarida bolalar maydonchalari yetishmasligi va mavjudlarining holati bo‘yicha aholi murojaatlari kelib tushgan. Shu murojaatlarni inobatga olib, Marg‘ilon shahar hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kamzorlashtirish masalalari bo‘yicha o‘rinbosariga so‘rov yubordi.

So‘rovda quyidagilar bo‘yicha asoslantirilgan ma’lumot so‘ralgan:
▪️ shaharda joriy yilda 11 ta bolalar maydonchasini qurish bo‘yicha bugungi kungacha bajarilgan ishlar va ularning hajmi;
▪️ ajratilgan mablag‘lar;
▪️ ishlar belgilangan muddatda yakunlanmagan bo‘lsa, buning sabablari va kechikishlarga yo‘l qo‘ygan mas’ul tashkilotlar.

Maqsad: ko‘p kvartirali uylar hududlarida bolalar uchun xavfsiz va qulay sharoit yaratish, rejalashtirilgan qurilish ishlarining o‘z vaqtida bajarilishini ta’minlash.

Mazkur masala deputatlik nazoratiga olindi.