“Manfaatlar to‘qnashuvi” to‘g‘risidagi qonun ijrosi o‘rganilmoqda
Xalq deputatlari Pastdarg‘om tumani Kengashining Korrupsiyaga qarshi va xavfsizlik masalalari bo‘yicha doimiy komissiyasi huzurida tuzilgan ishchi guruh tomonidan tumanda “Manfaatlar to‘qnashuvi to‘g‘risida”gi Qonun talablarining ijrosi yuzasidan o‘rganish ishlari olib borilmoqda.
🔎 O‘rganishlar doirasida ishchi guruh a’zolari Pastdarg‘om tumani Maktabgacha va maktab ta’limi bo‘limida bo‘lib, tashkilotda manfaatlar to‘qnashuvining oldini olish, aniqlash va tartibga solish bo‘yicha amalga oshirilayotgan ishlar bilan tanishdilar.
O‘rganish jarayonida manfaatlar to‘qnashuvi bilan bog‘liq holatlarni aniqlash, xodimlarning bu boradagi majburiyatlari, tegishli hujjatlarning yuritilishi hamda qonun talablariga rioya etilishi masalalariga alohida e’tibor qaratildi.
📌 Aniqlangan holatlar yuzasidan mas’ullarga tegishli tavsiyalar berilib, qonun talablarining to‘liq va samarali ijrosini ta’minlash bo‘yicha takliflar bildirildi.
🤝 Korrupsiyaviy xavflarning oldini olish, manfaatlar to‘qnashuviga yo‘l qo‘ymaslik va qonuniylikni ta’minlash borasidagi deputatlik nazorati davom ettiriladi.