Xalq deputatlari Chilonzor tumani Kengashi deputati, 5-Charx Kamolon saylov okrugi deputati Mahmudova Donoxon Artikovna tomonidan saylov okrugi hududidagi ichki ko‘chalarning holati o‘rganildi.

O‘rganish davomida kesilgan daraxt shoxlari o‘z vaqtida olib chiqib ketilmagani aniqlandi. Ushbu holat hududning tozaligi va obodonlashtirish ishlariga salbiy ta’sir ko‘rsatishi qayd etildi.

Aniqlangan muammoni bartaraf etish maqsadida mas’ul shaxslarga kesilgan daraxt shoxlarini o‘z vaqtida olib chiqib ketish va hududni toza saqlash bo‘yicha tegishli topshiriqlar berildi.

Deputat tomonidan hududdagi mavjud kamchiliklarni bartaraf etish hamda ko‘chalarda tozalik va obodonlashtirish ishlarini ta’minlash masalalari nazoratga olindi.